2022 жылы Алматы облысының Жетіген ауылынан (қазіргі Алатау қаласы) табылған «автобус зираты» жаңа орынға көшті. Қазір ескі техникалар Талғарға жақын маңдағы Қайназар ауылының шетінде тұр. Яғни бұрынғы орнынан 70 шақырымдай жылжыған.
«Алматыэлектротранс» ЖШС өкілдері Kolesa.kz редакциясына 2021 жылдан бері компанияның пайдалануға жарамайтын немесе ұзақ мерзімді жөндеуді қажет ететін көлік құралдары Алматы облысы, Жетіген ауылы, Ломоносов көшесі, 2а мекенжайындағы қоймада тұрғанын растады.
«2023 жылдың аяғында қойманы бұрынғы орнын жалға алу мерзімі аяқталғандықтан, басқа мекенжайға көшірдік: Алматы облысы, Еңбекшіқазақ ауданы, Рахат ауылдық округі, Қайназар ауылы. Қазір қойма аумағында (2.5 гектар) 458 техника тұр», — деп хабарлады компания.
«Алматыэлектротранс» осы 458 көліктің
Компания өкілдері есептен шығару бухгалтерлік процедура екенін айтып отыр. Көлікті пайдалануға жарамсыз деп тану туралы шешімді арнайы комиссия қабылдайды. Қазақстандағы амортизация нормасына сәйкес автобус пен троллейбустың амортизация мерзімі 7 жыл.
Бірақ «автобус зиратын» көшіруге қатысты бірқатар сұрақ туындайды. Біріншіден, Жетігендегі (Алатау) бұрынғы орында әлі аз болса да автобус (60 дана) және микроавтобус (13 дана) сақталған.
Кей автобус бөлшектеліп, қаңқасы құлап жатыр. Олардың детальдерін Алматыдағы жұмыс істеп тұрған автопаркке пайдалану үшін алған шығар. Қалғаны жай қаңтарылып тұр. Соған қарағанда сәл бүтін техникаларды алып, мүлде жарамсызын сонда қалдырған сияқты. Олардың тағдырын енді жер иесі шешуі мүмкін.
Екіншіден, «Алматыэлектротранс» ескі техниканы сатуға уәде бергенімен, қоймадағы көліктердің көбі металл алатын жерге өткізуге ғана жарайды. Әсіресе ескі троллейбустар қайта жолға шыға алмайды — тот басқан шанағын күрделі жөндеу өте қымбат. Оларды бөлшектеп, қайта қорытуға жіберген жөн. Бірақ Қазақстанда машинаны утилизацияға қабылдау бірнеше жыл бұрын тоқтаған, қашан қайта іске қосылатыны белгісіз.
Айтпақшы, бұл қоймада көптеген ЛиАЗ жатыр. Мұндай дизельді автобус Алматыға 2017 жылы қазанда келген. Желтоқсанда мегаполисте «гармошка» жолға шықты. Сол кезде қала билігі Ликинский автозауытынан 357 автобус сатып алмақ болған. Дизельді техника газбен жүретін «Ютонгтан» 30 % арзан еді, әкімдік сол үшін таңдады.
Бірақ көп ұзамай ЛиАЗ автобустарына автобөлшек жеткізу қиындап кетті, сөйтіп үнемдеу саясаты тасымалдаушыларға тиімсіз болып шықты. Кей дерек бойынша автопарктер екі автобустан біреуін құрастырып, екіншісін қосалқы бөлшек ретінде пайдаланған. Бірақ көп өтпей бұл схема да пайдаға аспай қалды. Ақыры, тозығы жеткен дизельді автобустар 2022 жылы тот басып далада қалды. Оның кейбірі әлі күнге дейін мемлекеттік нөмірімен тұр, демек әлі есептен шықпаған.
Алматы көшелерінде біраз жүріп, кейін Жетігенге кеткен
Комментариев: 0