Қазақстанда мотоцикл жарысының маусымы жалғасуда. «Пампас» мото сайысының ізін басып Алматы маңында мотокросс өтеді. «Кубок Фабричный» деп аталатын жарыс бұрынғы Қарғалы ауылындағы (бұрынғы Фабричный) мотокроссмендер арасында дәстүрге айналған «Лысая гора» жолында өтеді.
Қазақстан, Қырғызстан, Өзбекстан және Ресей спортшылары он класс бойынша өнер көрсетеді:
- 65 куб. см — 6–12 жас аралығындағы балалар бақ сынайды;
- 85 куб. см — 10–15 жас аралығындағы балалар;
- 125 куб. см — 14 жас және одан үлкен мотоциклшілер;
- Open — 16–35 жас, 500 куб. см-ге дейінгі мотоцикл;
- Open 2 — 35 жас және одан үлкендер, кез келген модельдегі мотоцикл;
- «Ардагерлер 1» — 45–55 жас, кез келген модельдегі мотоцикл;
- «Ардагерлер 2» — 56 жас және одан үлкендер, кез келген мотоцикл;
- «Әуесқойлар» — дәрежесі жоқ спортшылар;
- Қытайда шыққан мотоциклдер — аспан асты елінде шыққан кез келген мотоцикл;
- «Қыздар» — жасы және мотоцикл түрі маңызды емес.
Ұйымдастырушылардың ақпаратына сүйенсек, бонус ретінде көрермендер кросстық жолдағы арбасы бар мотоциклдердің жарысын тамашалай алады.
Жарысқа қонақ ретінде мотокросс бойынша Ресейдің бірнеше дүркін чемпионы және 2021 жылы Ресей құрамасында (команда 4-орын алды) Ұлттар мотокроссы (MXON) сайысында өнер көрсеткен Тимур Петрашин келеді. Оның қарсыласы Қазақстан чемпионы Никита Карнаухов болады.
Жарыс екі сериядан екі күнге бөлінеді: сенбі, 20 сәуір және жексенбі, 21 сәуір. Іс-шара 11:50-де басталады, бірақ 10:50-ден бастап спортшылар жарыс алдындағы жаттығуға қатысады.
Сайыс ережесіне сәйкес марапаттау рәсімі 20 сәуірде сағат 16:30-да және 21 сәуірде сағат 16:00-де өтеді.
Көрермендер тегін кіре алады.
Комментариев: 0