Алматы қаласы Жолаушылар көлігі және автомобиль жолдары басқармасындағылар бұл жөнінде нақты тапсырма болмағандықтан, мегаполиске кіру жақын арада ақылы бола қоймайтынын айтты. Дегенмен, идеяның өзі билік өкілдеріне ұнайды екен. Олардың ойынша, халықаралық тәжірибеге негізделген мұндай тәсіл, көлік ағынын реттеп, жеке көліктен түсуге септігін тигізеді.
Айта кетер жайт, Алматыға кірер жолды ақылы ету туралы идеяның туындағанына бірнеше жыл болған. Соңғы ұсыныстардың бірі Әл-Фараби, Достық, Рысқұлов және Саин көшелерінің бойымен өткен көліктерден мәлімет оқитын аркалар орнату болатын. Алайда бұл жоба талқылаудан әрі асқан жоқ.
Увы. Трафика меньше не станет.