Дархан Сатыбалды инженерлік коммуникацияны жөндеу және жолды қалпына келтірумен айналысатын компаниялардың өкілдерімен кездесті.
Мердігерлер жұмысты кешіктіріп, қазылған жолдарды сол күйі қалдырып кетеді деген әкім қала жобасына бұлай қарауға болмайтынын атап өтті.
— Бір көрініс қайталана береді. 15 техника мен ондаған жұмысшы орнына объектіде
бір-екі көлік пен бірнеше адам ғана жүреді. Тұрғындар ойық жол,шаң-тозаң, лай мен қалпына келмеген аумақтарға шағымданып жатыр. Бұл жұмыс емес, бұл — жауапсыздық, — деді ол.
Қала басшысы өз ісіне салғырт қараған компаниялар жауапқа тартылып, лицензиясынан айырылатынын ескертті.
Мегаполис билігі бұл мәселені шешуге білек түріп кіріскен көрінеді. Мәселен, қала құрылысын бақылау басқармасы Саин, Шаляпин, Яссауи, Жандосов көшелері бойындағы және 16 қыркүйектегі жауыннан кейін 13 көлікке зақым келген Аманжол көшесіндегі инженерлік желі тартқан компанияға қатысты тексерістің қорытындысын жариялады.
Сараптама траншея қиябетін бекітпеу, дымқыл топырақпен жауып нығыздамай қайта көму, инертті материалдың болмауы және тағы басқа құрылыс нормаларының бұзылғанын көрсетті.
Мердігер кемшіліктерді 8 қазанға дейін түзетуге тиіс. Әйтпесе сотта жауап беруге тура келеді.
Комментариев: 0