Cadillac бренді танымал модельдің батареялы нұсқасы атанатын Escalade IQ-дің алғашқы сериялық экземплярын сатты. Barrett-Jackson аукционына қатысқан машина небәрі екі минутта 550 мың долларға өтіп кеткен. Ал қарапайым Escalade IQ-дің бастапқы құны АҚШ-та салықты қоспағанда 130 мың доллар шамасында болуы керек.
VIN-нөмірі 001 санына аяқталатын Cadillac Escalade IQ моделіне қатысты егжей-тегжейлі ақпарат жоқ, бірақ оның толық комплектациясы саудаланған сияқты. Шанақ түстері мен әрлеу материалдарының алуан түрі бар көлікте массаж жасайтын креслолар, желдету жүйесі, екінші қатардағы орындықтарда медиажүйе, алдыңғы панельде 55 дюймдік дисплейлер және 40 динамикті AKG акустикасы болады. Одан бөлек электрокар марка тарихында бұрын-соңды болмаған 24 дюймдік дөңгелек алады.
Алғашқы электрлі Escalade толық жетекті қамтамасыз ететін екі күштік құрылыммен жабдықталады. Оның құрамындағы моторлар жалпы 760 ат күшін беріп, көліктің сағатына 60 миль жылдамдықты 4.9 секундта алуына жағдай жасайды. Ал максимал жылдамдығы — 250 км/сағ. Сыйымдылығы 200 кВт·сағ батарея көмегімен кроссовер 740 шақырымды еркін еңсереді.
Escalade IQ брендтің ең қымбат өнімі деп айта алмаймыз. Бұл атақ жылына 150 данасы ғана шығатын Celestiq лифтбэгіне тиесілі. Оның бағасы 340 мың доллардан басталады.
Комментариев: 0