Әлемдегі жалғыз Lincoln Mark X аукционға қатысады

2004 жылы Lincoln Детройттағы автосалонда 1950 жылдардың екінші жартысынан бері нөмірмен шығатын люкс «марктардың» мұрагері Mark X родстерінің концептісін көрсетті.

Марек Рейхман басқарған дизайнерлер командасы тиімді жұмыс істеді. Техникалық жағынан Lincoln Mark X сол жылдардағы сәнді Ford Thunderbird болатын. Концептіге донордың бөлшектерін және артқы жетекті шассиді, 280 ат күшіне ие (387 Нм) 3.9 литрлік V8 моторын, берілісті қолмен ауыстыратын функциясы бар 5 сатылы SelectShift автомат қорабын орнатқан.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Беті тегіс шанақтың бүйіріндегі хромдалған жиектері және радиатор торы Вьетнам соғысы кезіндегі Lincoln модельдеріне сілтеме жасайды, ал алдыңғы оптикасы Aviator SUV прототипіндегі екі қатар шамы сияқты, кейінірек ол Lincoln MKX ретінде серияға шыққан.

Mark X-тің ерекшелігі — 30 секундта жүксалғышқа өзі жиналатын төбесі мөлдір металл шатыры. Бренд үшін жарықдиодты артқы шамдар және жылжымалы есік тұтқасы жаңа дүние болды. Мамандар 19 дюймдік дискілерді алды P245/40 R19, арты P275/35 R19 «мишлен» шинасымен қаптады.

1 / 8

• 
• 
• 
• 
• 
• 
• 
• 

1 / 8

Жылтыр ендірмелері бар Lime Sorbet түсті былғарымен қапталған салоны, ескі төртбұрышты аспаптар панелі мен 7 дюймдік мультимедиа экраны модерн және ретро стилінде жасалған.

Бір данасы ғана бар және серияға шықпаған Lincoln Mark X-тің өмірбаяны ерекше деуге келмейді, тек иесі ауысқан сайын бағасы біртіндеп 101 750-ден 129 250 долларға өскен. Бірегей родстердің құны наурызда өтетін Mecum аукционында белгілі болады. Машинамен ұзақ сапарға шыға алмайсыз, себебі жалпыға арналған жолда жүруге болмайды.