Әлемдегі ең көне автомобиль техбайқаудан сәтті өтті

Benz Victoria № 99 деп аталатын әлемдегі алғашқы машиналардың бірі Германияда TUV техникалық тексерісінен өтті. Deutsche Welle хабарлағандай, экипаж жалпыға ортақ жолда жүруге рұқсат алды (кейбір шектеулер бар). Автомобиль 1894 жылы шыққан.

Машина тексерістен өтуге өзі жүріп барыпты. Басылым тексеріс кезінде бірде-бір ақау табылмай, көне көлік өзі тұратын Айнбек қаласындағы мұражайға қайтқанын хабарлады. Benz Victoria № 99 бұған дейін де күнделікті пайдалануға рұқсат алған, бірақ мұражай қызметкерлері оны жүргізбейтіні анық.

Төрт дөңгелекті фаэтон 6 ат күшіне ие 3 литрлік бір цилиндрлі мотормен қозғалады. Автомобиль сағатына 27 км жылдамдықпен жүре алады, демек ол автомагистральге шыға алмайды. Шам орнына әдеттегі от, бұрылыс сигналы орнына арнайы жалауша пайдаланады. Сол үшін раритетпен түнде сапар шеге алмайсыз.

Benz Victoria № 99 — іштен жанатын мотормен жүретін алғашқы машина Benz Patent-Motorwagen-нің ізбасары. Мұражай қызметкерлері оны тұрақты түрде есепте тұрған әрі жолда жүруге ресми рұқсаты бар әлемдегі ең көне көлік деп санайды. Мамандар машина жағдайын мұқият қадағалап отыр, демек қазіргі техбайқау мерзімі біткен соң Benz Victoria № 99 келесі тексерістен де еш қиындықсыз өтетін шығар.