Канадалық HotCars басылымы әлемдегі ең арзан автокөліктер тізімін жасады. Рейтинг жасаушылар кез-келген адам сатып ала алатын барлық машинаны назарға алды. Бюджеттік модельдердің құнын төмендету үшін құрылымы әдейі жеңілдетіліп, арзан материал қолданылатыны құпия емес. Мұндай көліктерде күрделі көмекші электроника болмайды. Арзандатудың тағы бір әдісі – машинаға заманға сай бөлшектер орнату. Бірақ оның көлемі шағын болғандықтан, өнімнің өзіндік құны төмендейді. Smart дәл осылай жасалады.
Зерттеу нәтижесінде Renault Kwid әлемдегі ең қолжетімді автомобиль атанды. Үндістанда жергілікті нарыққа арналып жасалған жол талғамайтын көлік өзге де кедей елдерге сатылады. Бағасы 3900 доллардан басталатын Kwid-дің көлемі 3679×1579×1478 мм. Алдыңғы жетекті машинаға 54 ат күшін беретін 0,8 литрлік қозғалтқыш қойылған. Мотор бес сатылы механикамен жұмыс істейді. Аралас режимде жүз шақырымға 3,8 литр жанармай жұмсалады.
Екінші орын Alto хетчбэгіне бұйырды. Ол 20 жыл бойы Үндістандағы ең арзан көліктердің қатарында келеді. Maruti — Suzuki бірлескен кәсіпорны шығарған машинаның бастапқы бағасы – 4100 доллар.
Үштікті ең арзан электромобиль саналатын Hong Guang Mini түйіндеді. Қытай жұртына ғана таныс көлік 4 400 доллар тұрады.
Тізімде Қазақстанда танымал Lada Granta (Ресейде оның бағасы 6200 доллар) мен Renault/Dacia Sandero (8300 доллар) бар.
Рейтинг авторлары бай елдердегі қолжетімді машиналарды да атады. Smart ForTwo (14 650 доллар), Chevrolet Spark (14 400) және Mitsubishi Mirage (14 990) Еуропа мен АҚШ-та ең арзан көліктер саналады.
Комментариев: 0