Bugatti және Koenigsegg компанияларында қызмет еткен ресейлік дизайнер Александр Селипанов
Александр Селипанов машинаның сырт пішінін мінезіне сай етіп жасаған. Купе көптеген желдету каналымен, соның ішінде NACA ауа өткізгішімен, «шағала қанаты» стиліндегі есіктерімен және өзгеше артқы бөлігімен ерекшеленеді. Мотор бөлігінің үстінде панель болмағандықтан газ шығару коллекторы мен аспа бөлшектері көрініп тұрады. Купе заманауи жарық техникасын алды.
Салоны минимализм стилінде жасалған: рөл, педаль, қарапайым аспаптар комбинациясы және трансмиссия селекторы. Бірнеше механикалық ауыстырып-қосқыш төбеге жайғасты, ал жалғыз дисплей артқы көрініс айнасына кіріккен. Үйреншікті орындық реттегіштер жоқ. Орындықтар шанақпен біріккен, сондықтан жүргізуші орнын бас тіреуіштер мен педальді жылжыту арқылы реттеуге болады.
Nilu алюминийден жасалған түтікті жақтауы бар карбон монококқа негізделген және толық тәуелсіз аспамен жабдықталған. 21 дюймдік дискілері
Жаңа Зеландиядағы Hartley Engines компаниясы минутына 13000 айналым жасай алатын 6.5 литрлік V12 моторын осы жобаға арнайы әзірлеген. Мамандар дроссель мен цилиндр блогындағы газ шығару коллекторы үшін арнайы корпус жасаған және газ шығару түтігінің пішіні күрделі болғандықтан, оны 3D принтерде басып шығарған. 1070 ат күшін (860 Нм) момент беретін қозғалтқышты әлемдегі ең қуатты атмосфералы моторлардың бірі деуге болады. Ол 7 сатылы механикамен жұптасады. Nilu алғашқы жүздікті 3 секундтан аз уақытта еңсереді және максимал жылдамдығы — 400 км/сағ.
Nilu-дің алғашқы 15 данасы жарыс трассасына арналады. Кейін компания жалпы жолда жүретін 54 көлік шығарады, олардың төртеуі ерекше дизайн алады. Александр Селипанов суперкардың құнын жарияламады.
Комментариев: 0