Кемел және Венера есімді ерлі-зайыпты кепілде тұрған машинасын сатқалы жүрген тұрғындарды іздеп тауып, банктегі қарызын төлейтінін айтып, көлікті бас сенімхат арқылы алады. Алайда бірнеше ай төлем жасағаннан кейін хабарсыз кетеді.
Сатушының сеніміне кірген соң ерлі-зайыпты алаяқ машинаны басқа адамға сатып жіберетіні белгілі болды. Олар сатып алушыға көлік банкте кепілде тұрғанын, ақшаны алған соң үш күн ішінде кепілден шығарып, бәрін реттеп беретінін айтады. Бірақ ақша қолға тиген бетте ізін суытады да, алдауға болатын өзге адам іздей бастайды.
Ktk.kz хабарлағандай, олар Алматы мен Астанада кем дегенде 30 азаматты сан соқтырған. Кейбір жәбірленуші қылмыстық іс қозғалған соң алаяқтар қорқытып жүргенін айтады. Полиция қоқан-лоққы көрген тұрғындардың бәрін жеке қорғауға алу мүмкін емес екенін жеткізді, бірақ күдіктілерді тездетіп табуға уәде беріп отыр.
Комментариев: 0