Әл-Фарабиде реверсивті көлік қозғалысы іске қосылды

12 шілде таңғы 6:00-ден бастап 13 шілдеге дейін Сырғабеков көшесінен Есентай өзеніне дейін реверсивті қозғалыс енгізу туралы шешім қабылданды. Қалалық мобильділік басқармасы 6:00-ден 15:00-ге дейін Әл-Фараби бойында шығысқа қарай екі жолақты, ал батысқа бір жолақты қозғалыс болатынын айтты. Сағат 15:00-21:00 аралығында керісінше батыс бағытта екі жолақты болса, шығысқа қарай бір жолақты қозғалыс орнайды.

Ремизовкадан Әл-Фарабиге Esentai Mall-дың оңтүстік көлік тұрағы арқылы шығуға болады.

Жол көлік апатының алдын алу үшін 21:00-ден бастап шығысқа қарай жол толық жабылып, ондағы көлік ағыны солтүстікке Жароков көшесіне қарай ығысады.

Жөндеу жасап жатқан аймақта жылдамдықты сағатына 40 шақырымға дейін шектейтін белгі орнатқан. Жолды бөлетін белгі ретінде жанатын конус тәрізді фишканы қойды. Реверсивті қозғалысты бастамас бұрын екі бағыт бойынша ағынды реттейтін 25 темір турникет (100 метр) пайда болды. Жүргізушілерді алты полиция экипажы бақылайды.

Бұл шешім жол жөндеу кезінде жүргізушілерге көмектесе ме, жоқ па оны уақыт көрсетеді.