Артпен жүруді өнер деп білетін кезекті той кортежі тәртіп сақшыларының көзіне түсті. Бұл жолы ереже бұзған BMW X5 және Mercedes-Benz G-Class көліктерінің жүргізушілері, олар Әл-Фараби даңғылымен шығыс бағытқа қарай қозғалып, өз әрекеттерін видеоға түсірген.
Алматы қалалық Полиция департаментінің баспасөз қызметі хабарлағандай, 1995 және 1999 жылғы екі жүргізушіге айыппұл салынып, олар мінген көліктер айып тұрағына жіберілді. Оларға тағылған айып та аз емес. G-Class жүргізушісінің атына жалған нөмір орнатқаны, қауіпсіздік белдігін тақпағаны, жол қозғалысына қасақана кедергі келтіргені және бұрылу кезінде бұрылыс көрсеткіштерін қоспағаны үшін бірнеше хаттама толтырылған.
ҚР ӘҚБК-не сәйкес, салынған айыппұл сомасы 240 мыңнан асады, ал «мерседесті» тізгіндеген азаматтың жүргізуші куәлігінен де айырылуы мүмкін.
Комментариев: 0