BloombergNEF зерттеушілері берген мәліметке сүйенсек, 2010 жылы киловатт-сағаты 1100 доллар тұрған литий-ионды батареялардың құны қазір 89 % түсіп, 137 доллар болды. Ал 2023 жылға қарай бұл көрсеткіш киловатт-сағатына 100 долларға түседі, тіпті никель, кобальт, литий және басқа шикізат қымбаттаса да, бөлшектің құны 2010 жылғы межеден аспайды.
Электромобильдің жалпы құнының 30 %-ы батареяға кеткен шығынға байланысты. Мамандардың есебінше, автоөндірушілер батареяны киловатт-сағаты 100 доллардан аспайтын бағаға сатып ала бастаса, электромобиль бағасын кәдімгідей түсіріп, іштен жанатын моторы бар көлік сатқанмен бірдей табыс табу мүмкіндігіне ие болады. Сәйкесінше, мемлекет бұл процессті ынталандыру қажеттігінен арылады.
Биыл батарея бағасы өткен жылмен салыстырғанда 13 %-ға арзандады. ixbt.com бұған электромобиль алушылар санының артуы себеп болғанын жазды. Катодтардың жаңа құрамы мен өндірісті оңтайландыру бағаны әрі қарай төмендетуге жағдай жасайды.
Комментариев: 0