Құрманғазы, Шевченко, Жамбыл, Бөгенбай батыр, Қабанбай батыр, Қарасай батыр, Гоголь және Мақатаев көшелеріндегі қозғалыс біржақты болды. Көбінде көлік жылдамдығы сағатына 40 шақырымға дейін шектелді. Kolesa.kz-тің ресми сауалына жауап берген Қалалық мобильділік басқармасы мегаполис орталығын біржақты ету арқылы қиылыстарда қарама-қарсы бағытта қозғалатын көлік санын азайтып, автокөлік легін жылдамдату көзделгенін хабарлады.
Әкімдік өкілдерінің сөзінше, біржақты қозғалыс кезінде солға бұрылатын жүргізушілерге қарсы беттегі машиналарды өткізудің қажеті болмайды. Одан бөлек ерсілі-қарсылы бағыты бар жолдармен салыстырғанда, біржақты көшеде жолақ көп. Мұны нәтижемен дәлелдегісі келген шенділер көлік легінің даулы қиылыстары 216-ға азайып, орташа жылдамдық 35 %-ға артқанын атап өтті.
Мамандар веложолағы жоқ көшелерде жылдамдықты шектеуге не себеп болғанын нақты түсіндіре алмады. Басқарма өкілдері мұның «жол қозғалысына қатысушылардың қауіпсіздігі үшін» полицейлермен келісіп жасалғанын айтумен шектелді.
Б.Момышұлы, Тәтібеков және Халиуллин көшелеріндегі арнайы жолаққа байланысты туындаған мәселеге қатысты шенділер мұнда жолаушылар легі 30 %-ға артқанын, ал қоғамдық көліктің қозғалыс уақыты 48 %-ға қысқарғанын мәлімдеді.
Комментариев: 0