Келеңсіз оқиға Ақтаудағы 33-шағынауданда, Назарбаев Зияткерлік мектебінің маңында болған. Lada.kz хабарлағандай, Lexus GX 460 жол талғамайтын көлігі Daewoo Nexia-ға соғылды. Оқиға орнына келген полицейлер көліктен екі жасөспірімді көріп таңғалған. Олар ата-аналарының телефон нөмірін хабарлаудан бас тартып, тәртіп сақшыларымен біраз ерегісіпті. Куәгерлердің айтуынша, балалар жол талғамайтын көлікпен 5 шақырымдай жүріп өткен.
Маңғыстау облыстық полиция департаментінің баспасөз қызметі аталған дерек бойынша ҚР ӘҚБК-нің 612-бабының 2 (Көлiк құралын басқару құқығы жоқ адамның оны басқаруы) және 5 (Басқару құқығы жоқ адамға көлiк құралын басқаруға беру) бөлімдері бойынша хаттама толтырылғанын хабарлады. Материал кәмелетке толмағандардың ісін қарайтын бөлімге тапсырылды. Ал Lexus GX 460 айып тұрағына жіберілді.
Комментариев: 0