Әйтеке би көшесін ұзарту жұмыстары қыркүйекте бітеді

Бүгін Алмалы ауданы тұрғындарымен кездескен Ерболат Досаев Әйтеке би көшесінің Байтұрсыновтан Досмұхамедовке дейінгі бөлігін ұзарту жұмыстары қашан аяқталатынын айтты. Әкімнің сөзіне сенсек, бұл аймақты қыркүйектің аяғына дейін қолданысқа береді.

«Осы жердің тұрғындарының ой-пікірін ескеріп, көшені ұзарту жобасы қайта қаралды», — деді шенді. Бірақ Е. Досаев жолшылар Әйтеке би көшесін Шәріповтен Шагабутдиновқа дейін және Әйтиевтен Әуезовке дейін қашан ұзартатынын нақтыламады.

2030 жылға қарай оңтүстік астана көшелерін 92 шақырымға ұзарту жоспарланған. Сонымен қатар қала билігі алдағы бірнеше жылда Райымбек, Рысқұлов, Назарбаев даңғылдарын және Саин, Ақын Сара (Мөңке би), Науаи, Мұқанов, Төле би көшелерін ұзартуға ниетті.