Маусымда Barrett-Jackson аукцион үйі түпнұсқаға мүлде ұқсамайтын родстерді саудаға салады. Модельдің маркасы радиатор торындағы Mercedes-Benz белгісінен байқалады, ал интерьеріне үңілсеңіз оның R107 индексті SL екеніне көз жеткізесіз.
Автокөлік 1971-1989 жылдар аралығында құрастырылды. Ал мына машина 1981 жылы зауыттан шыққан соң Niko-Michael Coachworks ательесіне жол тартады. Шеберлер жұмсақ шатырдан арылып, оны қатты етіп жасаған. Құрылым жүк салатын бөлімге жасырылды. Мамандар мұнымен шектелмей, есік тұтқасы да ауыстырыпты.
Капот астында 218 ат күші мен 299 Нм момент беретін 3.8 литрлік V8 орнатылған. Момент артқы дөңгелектерге 4 сатылы автомат арқылы беріледі.
Темір тұлпар 2000 миля жол жүріпті. Оның жалғыз иесі Лас-Вегас казиносында өнер көрсеткен Уэйн Ньютон есімді танымал әнші. Иесі родстерді сирек мінген, машина өмірінің 40 жылын әртістің музейінде өткізді. 380 SL бағасына қатысты ақпарат берілмеді.
Комментариев: 0