Айртон Сеннаның Honda NSX-і саудағы шықты

Ұлыбританияда бірінші буын Honda NSX-тің қызық экземпляры саудаға шықты. 1991 жылғы қызыл спорткар бір кездері Айртон Сеннаға тиесілі болған.

1 / 9

• 
• 
• 
• 
• 
• 
• 
• 
• 

1 / 9

Сенна Формула 1-дің үш дүркін чемпионы болған, 1988, 1990 және 1991 жылдары McLaren-Honda болидін тізгіндеп, бірнеше титул иеленді. 1994 жылы 1 мамырда қаза тапқан әйгілі жүргізуші NSX-ті әзірлеуге және жақсартуға тікелей қатысты, кейін жеке пайдалануға бірнеше спорткар алды.

Сатушы бұл көлік Сеннамен бір суретте көп кездесетінін және SX-25-29 деген Португалия нөмірін таққанын айта кетті. NSX 2013 жылға дейін Португалияда болған, сол кезде купені қазіргі иесі сатып алып, оны Ұлыбританияға әкелген. Көлікті басқа елде қайта тіркеуге байланысты түпнұсқа нөмір көлікпен бірге берілмейді.

1 / 10

• 
• 
• 
• 
• 
• 
• 
• 
• 
• 

1 / 10

Хабарландыруда Honda NSX-тің жағдайы туралы ешқандай техникалық мәліметтер жоқ, бірақ одометрі 62 900 километрді көрсетіп тұр. Сеннаның өзі осынша шақырымға жеткізді ме, әлде спорттық көлікті басқа біреу жүргізді ме, нақтыланбаған.

Алғашқы Honda NSX 274 ат күші (285 Нм) бар C30A индексті 3 литрлік атмосфералы V6 мотормен жүретін. Агрегат артқы дөңгелектерді айналдыратын 5 сатылы механикалық қораппен үйлесімді жұмыс істейді.

1 / 6

• 
• 
• 
• 
• 
• 

1 / 6

Әйгілі иелері болмаса да, Honda NSX автомобиль әуесқойлары мен коллекционерлердің арасында ерекше бағаланады. Соңғы жылдары нарықта жапониялық спорткарлардың бағасы өсіп келеді, бірақ Сенна мінген көліктің бағасы олардан бірнеше есе жоғары. Сатушы көлікті 500 000 фунт немесе шамамен 622 мың долларға сатпақшы.