Айхой, неткен той: кортеж айып тұрағына жіберілді

Сенбі күні, 4 тамызда, Әл-Фараби даңғылында көп мәрте жол ережесін бұза отырып, серуендеген кортеж, сол күні-ақ полиция қызметкерлеріне ұсталды. Белгілі болғандай, оны оператор бейне бақылау камераларының көмегімен анықтаған. Төрт көліктің жүргізушілеріне сол мезетте-ақ айыппұл салған, ал қалған екеуі табандарын жалтыратып үлгерді, бірақ кейін олар табылды.
— Оқиға өткен сенбіде, 4 тамыз күні орын алған. ЖБО операторы жолдағы көлік қозғалысын тексеріп отырғанда, осы ереже бұзушылықты байқап, ол жөнінде хабарлаған. Жасақ кортежді шығыс айналма жолында қолға түсірді. Нәтижесінде төрт автокөлікке қатысты тиісті шаралар іске асырылған, ал екеуі жасырынып үлгерген. Қазір олар да анықталды. Audi жүргізушісіне 590-баптың 10-бөлігі «Мемлекеттiк тiркеу нөмiрi белгiлерi (белгiсi) жоқ көлікті бір жыл ішінде қайта басқару» бойынша, 595-баптың 2-бөлігі «Артқы жүріспен қозғалу» бойынша, 595-баптың 1-бөлігі «Маневр жасау» және 603-баптың 2-бөлігі «Арнайы жарық сигналдарын беруге арналған құрылғыларды орнату» бойынша хаттама толтырылды. Range Rover жүргізушісіне үш хаттама толтырылды: 595-баптың 2-бөлігі «Артқы жүріспен қозғалу» бойынша, 590-баптың 1-бөлігі «Мемлекеттiк тiркеу нөмiрi белгiлерi (белгiсi) жоқ көлікті басқару» бойынша және 593-баптың 1-бөлігі «Жолаушыларды тасымалдау қағидаларын сақтамау» бойынша. Көліктердің екеуі де айып тұрағына жеткізілді, — деп мәлімдеді Алматы қалалық ІІД-нің Әкімшілік полиция басқармасының басшысы Жандос Мұратқалиев.