Әйгілі фильмге түскен Lamborghini аукционға қатысады

Sotheby’s аукцион үйі киноға түскен Lamborghini Countach-ты аукционға дайындап жатыр. Ақ машина өзіне ұқсас «ламбомен» бірге Мартин Скорсезенің «Волк с Уолл-стрит» лентасына түскен. Бірақ Леонардо Ди Каприо қатысқан сахнаның бірінде екінші «ламба» соғылған еді.

Сипаттамасында киноға түскен деп көрсетпесе де, бұл модель коллекционерлер арасында жоғары сұранысқа ие екенін айта кеткен жөн. Италиялық суперкардың мерекелік нұсқасы 650 дана болып шықты, компания оның 23-ін ғана ақ түске бояған.

Lamborghini Countach 25th Anniversary Edition 5 литрлік атмосфералы V12-мен жүреді, механикамен жұптасқан агрегат 455 ат күшін береді. «Ламбо» алғашқы жүздікті 4.8 секундта еңсереді, ең жоғары жылдамдығы — 290 км/сағ.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Киноға түсіп, екінші тынысы ашылған Countach желтоқсанда Нью-Йоркте бәссаудаға түседі. Ұйымдастырушылар темір тұлпарды шамамен екі миллион долларға сатамыз деп отыр, бірақ соңғы баға әлдеқайда жоғары болуы мүмкін.