Әйгілі Audi Quattro арзан сатылады

Ұлыбританиядағы онлайн-аукциондардың бірінде Audi Quattro саудаға шықты. Машинаны бірегей деу қиын, өйткені жүріс бөлігі мен қозғалтқышы ауысқан, бірақ реставрациядан кейін раритет купе тамаша жағдайда. Сатушылар спорткарды 40-45 мың фунтқа (24.7-27.8 млн теңге) саудалауды жоспарлап отыр.

1 / 8

• 
• 
• 
• 
• 
• 
• 
• 

1 / 8

1980 жылдардың аяғында Audi 20 клапанды бес цилиндрлі қозғалтқышы бар оң рөлді 295 Quattro шығарды. Иесінің айтуынша бұл экземпляр 1989 жылы брендтің Ұлыбританиядағы пресс-паркіне берілген төрт көліктің бірі. Спорткарды журналистер тест үшін пайдаланған және бірнеше рет басылымдардың бетіне шыққан.

1 / 8

• 
• 
• 
• 
• 
• 
• 
• 

1 / 8

Автомобиль 2017 жылдан бері қазіргі иесінде, бұған дейін көлік бірнеше рет иесін ауыстырған. Темір тұлпар сатушының қолына нашар күйде түскен, Quattro-ны қалпына келтіру шамамен бес жылға созылған. Реставрация үшін бірнеше донор автомобиль сатып алуға тура келді. Бұл Quattro 20 клапанды мотормен жабдықталған, бірақ агрегатқа жақсартулар жасалып, қуаты стандарт 220-дан 300-ден астам ат күшіне дейін артқан.

Кастом газ шығару жүйесі, жаңарған трансмиссия және Brembo компоненттері бар қуатты тежеуіштер орнатылған. Спорткар 65 түрлі жақсартудан өткен.

Лоттың қазіргі жағдайын және жалпы Audi Quattro-ның танымалдығын ескерсек, сатушылар автомобильді жақсы инвестиция деп қарастырады. Соңғы уақытта неміс классикасының бағасы өсіп келеді.