Әйелдер 2023 жылдың үздік автомобилін анықтады

Жылдың үздік көлігін әлемнің 45 елінен келген 63 әйел қазы анықтады. Олар бірнеше категория бойынша үздік машинаны таңдау үшін бір жыл бойы әлемдік автонарықты жіті қадағалап отырған. Бас жүлде Kia Niro кроссоверіне бұйырды.

Қазылар Корея кроссовері неге жеңімпаз атанғанын айтқан жоқ. Тек гибрид немесе электрокар ретінде шығатын Kia Niro оларға экологиялық таза көлік болғаны үшін ұнаған шығар. Қазылар алқасы үздіктерді таңдағанда экологиялық тазалығынан бөлек машина жайлы ма, техникалық мүмкіндігі қандай деген сұрақтарға да мән береді. Сондай-ақ дизайны, бағасы және сапасын ескереді.

Kia Niro «үздік қалалық автомобиль» жүлдесін де жеңіп алды. Jeep Avenger «үздік отбасылық кроссовер» атанса, Nissan X-Trail «үздік ірі жол талғамайтын көлік» атағына ие болды.

1 / 5

• 
• 
• 
• 
• 

1 / 5

«Үздік ірі жеңіл автомобиль» номинациясын Citroen C5 X иеленді. Нәзік жандылар Ford Ranger-ді «жылдың үздік пикапы» деп таныды. Ал Audi RS 3 «үздік спорткар» атанды.

Былтыр қыздардан құралған қазылар Peugeot 308-ді жыл көлігі деп таныған. Биыл WWCOTY конкурсында жүлде алған Jeep Avenger бұған дейін «Еуропаның жыл көлігі» атанды. Ал Kia Niro «Әлемдегі үздік автомобиль» жүлдесіне үміткер. Ол финалда BMW X1/iX1 және Ioniq 6-мен бәсекеге түседі, жеңімпаз 5 сәуірде белгілі болады.