AirCar қазірге дейін 140 мәрте ұшу сынағын орындады, бірақ 28 маусымдағы сапар ең үздігі болды. Өнім авторы, Словакия азаматы Стефан Кляйн басқарған ұшақмобиль авиеткамен бірге Нитра мен Братислава арасында сәтті ұшып өтті. Оған жарты сағаттан аз уақыт жұмсалды. Ұшу алаңына қонғаннан кейін, AirCar екі минутта құйрығын тартып, қанатын бүктеп алды да, кәдімгі көлікке айналып, жүріп кетті.
«Бұл рейс екі режимді қатынас құралының жаңа дәуірін ашады, әрі адамға бұрын автомобиль сыйлаған еркіндікті қайтарады», — дейді өнертапқыш. Klein Vision компаниясының өкілдері ұшатын машина «ғылыми фантастиканы шындыққа айналдырады» деп санайды.
Соңғы жүз жылда талай ұшатын автомобильдер мен жүретін ұшақтар жасалды. Бірақ олардың ешқайсысы эксперименттік кезеңнен аса алған жоқ. Ең маңыздысы, кәсіби ұшқыштар ғана емес, өзгелер де басқара алатын қос режимді қатынас құралы бола алмады. Егер бұл Кляйнның қолынан келсе, оған ескерткіш қоюға болады.
Айтпақшы, ойлаңыздаршы: қала тұрғындары жөн-жосықсыз жүйткіп жүрген самокатшылардан мезі болып, бұл мәселе мемлекет деңгейінде қаралып жатқанда, біраз уақыттан соң жауапкершілігі төмен азаматтар пропеллер байлап алып төбемізде әрлі-берлі ұша бастаса не болады?
Комментариев: 0