Журналистер әділет министрі Марат Бекетаевтың Қазақстанда құрастырылған қытайлық JAC iEV7S электромобилін мініп жүргенін байқады. Tengrinews.kz порталының ресми сауалына жауап берген ведомство өкілдері министрдің экологиялық көлікке ауысқанын растады. Оның үстіне Бекетаевпен бірге оның орынбасарлары да енді «джакпен» жүреді.
Әділет министрлігі қанша iEV7S сатып алғанын жариялаған жоқ. Бірақ электр бензиннен арзан болғандықтан, электромобиль қолдану шығынды азайтуға мүмкіндік беретінін айтты.
Айта кетейік, JAC iEV7S — біздің елде құрастырылатын жалғыз электромобиль. Модель Қостанайдағы зауытта шығарылады. Жүріс қоры 280 шақырымға жететін машина бір комплектацияда ғана сатылады. Бағасы — 14.9 млн теңге. Қазақстандық JAC Ресейде 2.5 миллион рубль (14.5 миллион теңге) тұрады.
Комментариев: 0