Адам танымастай өзгерген BMW 850i саудаға шықты

Ұлыбританиядағы дилерлердің бірі 1990 жылғы BMW 850i спорткарын сатады. Бодикитінің арқасында бұл автомобиль басқа «сегіздікке» ұқсамайды, бірақ өзінің V12 қозғалтқышын сақтап қалған. Сырт пішіні өзгерген купенің құны — 14 995 фунт.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Сатушы бұл тюнинг қалай жасалғаны туралы толық ақпарат бермеді, сондықтан ерекшеліктерін тек суреттен көруге болады. BMW 850i ірі бампер есебінен айтарлықтай ұзарған, сондай-ақ бүйірлік қаптама және артқы диффузор имитациясымен жабдықталған. Спорткардың ірі спойлері бар, артқы жарық техникасының орнын алты шам басыпты. Көлік кастом дискілер мен Need For Speed ойыны стиліндегі графика алды.

1 / 11

• 
• 
• 
• 
• 
• 
• 
• 
• 
• 
• 

1 / 11

Салоны қара-сары түстермен әрленген. Өзгеше рөлі бар, беріліс қорабы мен қол тежеуішінің тұтқасы да ерекше.

Сатушы бұл BMW 850i-ды сирек кездесетін модель деп есептейді. Оның 300 ат күшін беретін 5 литрлік V12 моторы алты сатылы механикамен жұптасады. Купе қанша шақырым жол жүргені белгісіз.