Біздің пайдаланушыларға көлік сатып алғысы келген адамдардан WhatsАpp арқылы күмән тудыратын хабарлама келетін болған. Оның мәтіні бойынша басқа қалада/іссапарда/демалыста жүрген сатып алушы машинаны өзге адамға сатпауды өтініп, кепілақы төлеуге дайын екенін жазады.
Әңгіме жағдайға қарай әртүрлі басталуы мүмкін, бірақ жалғасы бір сценариймен өрбиді: қаскөйлер Kolesa.kz кепілақы жіберуге және оны алуға арналған жаңа қызметті іске қосқанын айтады. Сөзін растау үшін сіз берген хабарландыру мен ақша төленгені және соманың жүйеде тұрғаны туралы ақпарат жазылған жалған парақшаға сілтеме жібереді.
Бірақ ақшаны алу үшін CVC-кодпен бірге картадағы мәліметтерді жіберу қажет. Оған қоса, картаңызда алаяқ аударған ақшадан кем сома болмауы тиіс. Карта туралы бар мәліметті қолына түсірген қылмыскер ондағы бар ақшаны қағып алады. Айта кетерлігі, 3-D Secure коды алаяқтан қорғайды деп үміттенбеңіз, себебі интернет-дүкендердің бәрі бірдей оны сұрай бермейді. Бұл жағдайда қаскөйді табу да, ақшаны қайтару да мүмкін емес!
«Колёса» ЖШС-і pay-kolesa.site және сол сияқты қызметтерге еш қатысы жоқтығын ресми хабарлайды. Тек Kolesa.kz-тегі жеке хабарламалар арқылы сөйлесіңіз (біз алаяқтар қолданатын сайттарға бағыттайтын сілтеменің жеке хабарламада қолжетімді болуына жол бермейміз).
Алаяқтың алдағанына сеніп, қақпанына түсіп қалмаңыз. Ешқашан ешкімге картадағы деректерді бермеңіз және Kolesa.kz-тегі жеке хабарлама қызметін пайдаланыңыз!
Комментариев: 0