Тәуелсіздік мерекесі қарсаңында Алматыдағы Абай даңғылының Момышұлынан Әшімовке дейінгі бөлігі және Рысқұлов пен Емцов қиылысындағы жолайрық ашылды. Полиция мәліметіне сенсек, Абайды ұзарту даңғыл бойындағы көлік қозғалысын 30%-ға, ал Рысқұловтағы жолайрықтың ашылуы 25%-ға жақсартты.
«Абай даңғылы Момышұлынан қала шекарасына дейін ұзартылғаннан кейін, Саин және Момышұлы көшелерімен қиылыстағы бағдаршамның жұмыс режимін реттедік. Соның арқасында Райымбек даңғылы, Шаляпин, Жандосов көшелеріндегі көлік жүктемесі айтарлықтай азайды», — деді қалалық ПД Әкімшілік полиция басқармасының бастығы Нұрлан Аманбек. Оның айтуынша, Рысқұловтағы жаңа жолайрық та қиылыстар санын азайтып, даңғыл бойындағы көлік қозғалысын жеңілдетті. Бұл мегаполистің экологиялық жағдайы мен жол қауіпсіздігі мәселесіне оң әсер етеді.
Ал сіздің ойыңызша, аталған даңғылдармен жүру жеңілдеді ме?
Комментариев: 0