Кадрларында тәуліктің қараңғы мезгілінде ережелерді көзге ілместен, Ақтау көшелерімен жүйткіп жүрген жастарды байқауға болатын бейнежазба жуырда әлеуметтік желіге тарап кеткен еді. Оқиға куәгерлері апаттық сигнал беру шамдары қосулы күйдегі бағасы арзан емес седандар мен жол талғамайтын көліктердің ирелеңдеп, жолдың қарсы бетіне шығып келе жатқан сәтін түсіріп алған. Бұл ретте, көліктегі жолаушылардың терезеден бастарын шығарып, көліктің төбесінен ұстап келе жатқаны да байқалады.
Бұған тәртіп сақшылары бірден, бірақ жарым-жартылай назар аударған сыңайлы. Маңғыстау облыстық Полиция департаментінің баспасөз қызметі хабарлағандай, тәртіп сақшылары Mercedes-Benz пен «лексус» GS 250 көліктерінде болған 1996 және 1997 жылғы үш азаматты ғана ұстаған (ал қалғандарын анықтай алмаған-ау, шамасы. Себебі, нөмірлері болған жоқ қой. — Kolesa.kz ескертп.). Қолға түскендердің үстінен ҚР ӘҚБК-нің бірден төрт бабы бойынша іс қозғалған. 601-баптың 1-бөлігі «жол белгiлерiмен немесе жолдың жүру бөлiгiндегi таңбалармен көрсетiлген талаптарды сақтамау» (айыппұл көлемі 3 АЕК), 590-баптың 7-бөлігі «Тиiстi рұқсатсыз қайта жабдықталған көлiк құралын басқару» (15 АЕК) және дәл осы баптың 2-бөлігі бойынша «Мемлекеттiк тiркеу нөмiрi белгiлерi жоқ көлiк құралын басқару» (10 АЕК), 593-баптың 1-бөлігі «Жолаушыларды тасымалдау қағидаларын сақтамау» (5 АЕК) және 596-баптың 3-бөлігі бойынша «Егер бұл жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына , оның ішінде кері бұрылып немесе бұрылыс жасап шығу» (көлік жүргізу құқығынан алты айға айыру).
Комментариев: 0