Бүгінде Ақтау қаласының көшелерімен Ankai маркалы бес электробус жүйткіп жүр. Бұл топтама Каспи елдерінің саммитіне келген делегаттарға қызмет көрсету мақсатында арнайы дайындалған болатын, ал шара аяқталғаннан кейін оларды әлеуметтік маңызға ие бағыттарда қолдануға берген. Төрт автобус жолаушыларды халықаралық әуежайдан Ақтаудың орталығына дейін жеткізеді. Бесінші автобусты әкімдік облыстық футбол клубына беріпті. Жылдам қуаттау үшін қалада бес электрлі қуаттау бекеті салынған.
Қалаға 18 электрлі және 70 газбен жүретін қазақстандық «СарыаркаАвтоПром» ЖШС-і өндірген автобустардың жеткізілетіні белгілі болды. Осылайша, Ақтаудың қоғамдық көліктері жақын болашақта Қазақстанның ең электрленген көліктеріне айналады. Бірақ электрлі автобустарды Астана сатып алғанға дейін ғана. Елорда олардың 70 данасын алуды жоспарлап отыр. Қазіргі сәтте өндіруші қытайлық мамандар тобымен бірлесе отырып ел астанасындағы бағыттар мен қуаттау инфрақұрылысын орнататын орындарға қатысты мәселелерді пысықтауда.
Комментариев: 0