Қаржы мониторингі агенттігі 14 сәуірде AlanParking ЖШС-ның директоры Мұхтар Базарбаев ұсталғанын хабарлаған. Ал бүгін «Алматы спецтехпаркинг сервис» басшысы Марат Пірінбеков сот шешімі бойынша екі айға қамалды. Ол да мемлекет қаржысын ұрлады деген күдік бар
Пірінбеков басқарған компания жүргізушілер арасында A-Parking деген атаумен танымал. Бұл мекеменің 70 % үлесі жақында тұтқындалған Қайрат Боранбаевтың меншігіндегі RR2 ЖШС-ына, қалған 30 %-ы Алматы әкімдігіне тиесілі екен.
A-Parking тұрғындардан сағатына 100-150 теңге алады. Жергілікті шенділер осылайша мегаполистегі кептеліспен күресіп жатырмыз деп талай айтқан, бірақ шын мәнінде жұрт көше жиегіне көлік қойғаны үшін ақша төлейді. «Алматы спецтехпаркинг сервис» ЖШС болашақта бүкіл көшедегі тұрақты ақылы етуді жоспарлаған еді.
Қазір ақылы тұрақтар 8:00-ден 19:00-ге дейін, яғни әдеттегідей жұмыс істеп тұр.
Комментариев: 0