940 мың доллар тұратын «гелендваген»

G 650 Landaulet әйгілі суббренд іске қосылғаннан кейін Maybach тақтайшасын алған алғашқы Mercedes-Benz моделі атанды. 2010 жылдардың басында коллекция жинайтындардың қолы жете бермейтін 99 машина жасалған. Солардың бірін саудаға шығарған Hollmann International компаниясы жол талғамайтын көлік үшін 940 100 еуро сұрап отыр.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

G 650 Landaulet — Mercedes-Benz-тің бірнеше моделінен құралған автомомбиль. Шассиін жасағанда шеберлер G 500 4×42 белдігін алған, шанаққа үш есікті кабриолет бөлшектерін қолданды. Шатырының артқы бөлігін алып тастап, орнына ортаңғы тіреуге дейін жететін жиналмалы мата шатыр орнатты.

Дөңгелек базасын ұлғайтып, жүксалғыштың көп бөлігінен бас тарту салонның артқы жолаушыларға жайлы болуына ықпал етті. Бірнеше бағытта реттеліп, массаж жасайтын орындықтар, жиналмалы үстел мен жылытуға болатын стақан қойғыш бар. Артта отырған жолаушылар медиажүйе экранын да өз бетінше пайдалана алады. Интерьер қымбат былғарымен және карбонмен қапталған.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Сәнді машина 630 ат күшін беретін 6 литрлік V12-мен жүреді. Автомобиль алғашқы жүздікті шамамен 6 секундта алады.

2018 жылы жасалған дәл осы лимузин-кабриолеттің жағдайы керемет, жап-жаңа күйі сақталған. Көліктің одометрі небәрі 450 км көрсетіп тұр.