9 қазаннан бастап Бейнеу – Ақжігіт тас жолы ақылы болады

Көлік министрінің Бейнеу — Ақжігіт трассасының ақылы болатыны туралы бұйрығы бірнеше күн бұрын жарияланды, ол 9 қазанда күшіне енеді. Құжатқа сәйкес бір бағытқа (85 шақырым) жолақы төмендегідей болады:

• орын саны 16-ға дейінгі автобус және 2.5 тоннаға дейін жүк көтеретін көлік — 424.35 теңге (0.123 АЕК);
• орын саны 32-ге дейінгі автобус және 5.5 тоннаға дейін жүк көтеретін көлік — 848.7 теңге (0.246 АЕК);
• орын саны 32-ден асатын автобус және 10 тоннаға дейін жүк көтеретін көлік — 1276.5 теңге (0.37 АЕК);
• 10-15 тоннаға дейін жүк көтеретін көлік —1700.85 теңге (0.493 АЕК);
• тіркемесі бар жүк көліктері мен ершікті тартқыштарды қоса алғанда, 15 тоннадан ауыр жүк көтеретін автомобильдер — 2125.2 теңге (0.616 АЕК).

Жолақыны трасса бойындағы бейнекамералар мен сезгектер негізінде есептейді. Тас жолда шлагбаум болмайды. Ал жақын маңдағы тұрғындар жылдық (41 400-207 000 теңге) және айлық (3450-17 250 теңге) абонемент сатып алса болады.

8 қазанда республикалық маңызы бар Павлодар — Семей — Қалбатау тас жолы және Ресей шекарасы (Омск) — Майқапшағай (Қытай шекарасы) ақылы болатынын естеріңізге саламыз.