8 сәуірде Алматы облысы Қарғалы ауылындағы (бұрынғы Фабричный) мотокросқа арналған «Лысая гора» жолында Қазақстан чемпионатының бірінші кезеңі өтеді. Екінші кезең 9 сәуірде «Қайрат» ықшамауданындағы трассада өтеді. Жарысқа Қазақстанның әр өңірінен келген командалар мен Қырғызстан, Өзбекстан және Ресей спортшылары қатысады. Жалпы 60-тан аса шабандоз бақ сынайды.
Жарысқа кіру тегін.
Шабандоздар тоғыз класс бойынша өнер көрсетеді:
- 65 куб. см — 6–12 жас аралығындағы балалар бақ сынайды;
- 85 куб. см — 10–15 жас аралығындағы балалар;
- 125 куб. см — 14–35 жас аралығындағы мотоциклшілер;
- Open — 16–55 жас, 500 куб. см-ге дейінгі мотоцикл;
- Open 2 — 35–45 жас, кез келген модельдегі мотоцикл;
- Open 3 — 46 жас және одан үлкендер, кез келген мотоцикл;
- Қытайда шыққан мотоциклдер;
- «Әуесқойлар», ел чемпионатынан бөлек;
- «Қыздар», ел чемпионатынан бөлек.
Жарыс 11:00-де басталады. Таңғы сағат 9-дан бастап спортшылар тексерістен өтіп, жарыс алдындағы ресми жаттығуға қатысады.
Қызықтан құр қалмаңыздар!
Комментариев: 0