800 ат күшіне ие Shelby F-150 шығады

Shelby American F-150-дің Centennial Edition деп аталатын саны шектеулі нұқасын көрсетті. Жаңа өнім Shelby-дің ең қуатты пикапы болады. Компанияның негізін қалаушы Кэрролл Шелбидің 100 жылдығына арналған машина жаңарған жүріс бөлігі, агрессивті сырт пішіні және 800 ат күшіне ие бес литрлік V8 моторымен ерекшеленеді. Мұндай Shelby F-150-дің 100 данасы ғана шығады.

1 / 5

• 
• 
• 
• 
• 

1 / 5

Shelby моторы карбон компоненті бар жаңа ауа тарту жүйесімен жабдықталды. Қозғалтқыш Borla өндірген арнайы газ шығару жүйесімен бірге жүреді.

Мамандар пикапты жақсырақ тежеу механизмі және реттелетін Fox тіректерімен жабдықтады. Соның арқасында көлік клиренсі сәл өсті, бірақ нақты қанша биіктегенін Shelby хабарлаған жоқ.

Жаңа бампер, радиатор торы және ауа тартқышы бар капот пикаптың сырт пішінін өзгеше көрсетеді. Shelby F-150-ге стандарт дөңгелек орнына фирмалық 22 дюймдік дискі орнатып, оны арка кеңейткішпен жабдықтады. Салоны винтажды стильдегі былғарымен қапталған.

800 ат күшіне ие Ford F-150 кем дегенде 138 495 доллар (62 млн теңге) тұрады. Shelby пикаптың қолжетімді түрленімін де шығарады, оның моторы бар болғаны 400 ат күшін береді. Мұндай F-150 үздік нұсқадан 10 мың доллар арзан болады.

Ford-тың өзінде де қуатты мотормен жүретін машина бар, ол — Ford F-150 Raptor-ға негізделген 710 ат күшіне ие пикап. Дегенмен F-150-ге негізделген ең қуатты пикапты Hennessey дайындаған. Ателье 5.2 литрлік V8-дің қуатын 1013 күшке жеткізген.