782 ат күшіне ие Porsche Panamera шықты

Porsche қазіргі Panamera топтамасындағы флагманды таныстырды. Дәстүр бойынша ең үздігі — Turbo S E-Hybrid модификациясы, бірақ жаңарған гибрид қондырманың арқасында жаңа өнім Panamera тарихындағы ең қуатты сериялық модель болды. Сондай-ақ нарыққа электрлі моторы жоқ GTS нұсқасы да шығады.

1 / 8

• 
• 
• 
• 
• 
• 
• 
• 

Porsche Panamera Turbo S E-Hybrid

Porsche Panamera Turbo S E-Hybrid

Porsche Panamera Turbo S E-Hybrid

Porsche Panamera Turbo S E-Hybrid

Porsche Panamera Turbo S E-Hybrid

Porsche Panamera Turbo S E-Hybrid

Porsche Panamera Turbo S E-Hybrid

Porsche Panamera Turbo S E-Hybrid

1 / 8

Мамандар Turbo S E-Hybrid үшін бұған дейін Bentley Continental GT-дің жаңа буынында көрсеткен 4 литрлік V8 бен электромотордың үйлесімін дайындады. Құрылым бұрынғыдай 782 ат күшін және 1000 Нм момент береді. Алайда Panamera британиялық купеге қарағанда жылдамырақ: бес есікті көлік алғашқы жүздікті 2.9 секундта еңсереді, ал максимал жылдамдығы — 325 км/сағ. Жаңа гибридтің көрсеткіші Panamera-ның алдыңғы буынымен салыстырғанда 0.5 секундқа және 25 км/сағ көбірек.

Автомобиль дәстүрлі қозғалтқышты қолданбай да жүре алады. Лифтбэк 25.9 кВт⋅сағ батареяның арқасында 88 шақырым еңсереді, ал аккумуляторды айнымалы ток арқылы 2 сағат 40 минутта қуаттауға болады. Жаңа өнім заманауи бейімді Active Ride аспасымен, басқарылатын артқы дөңгелектермен және 440 миллиметрлік дискілері бар керамикалы тежеуішпен жабдықталады.

Panamera Turbo S E-Hybrid Нюрбургрингте премиум сегменттегі гибрид және жанармаймен жүретін автомобильдер арасында рекорд орнатып, трассаны 7 минут 24.17 секундта жүріп өтті. Көрсеткіші бес есікті Mercedes-AMG GT 63 S-тен шамамен 4 секундқа жылдамырақ. Бұған алдыңғы осьте көтеру күшін болдырмайтын және артқы осьте қысу күшін арттыратын аэродинамикалық бөлшектердің Carbon Aerokit жинағы, сондай-ақ 21 дюймдік дискілердегі арнайы Michelin шиналары әсер етті. Мұның бәрі гибридте опция ретінде қолжетімді.

1 / 10

• 
• 
• 
• 
• 
• 
• 
• 
• 
• 

Porsche Panamera GTS

Porsche Panamera GTS

Porsche Panamera GTS

Porsche Panamera GTS

Porsche Panamera GTS

Porsche Panamera GTS

Porsche Panamera GTS

Porsche Panamera GTS

Porsche Panamera GTS

Porsche Panamera GTS

1 / 10

Panamera GTS клиренсі 10 мм төмендеген және тұрақтандырғышы күшейген пневматикалық аспаның арқасында топтамада ресми түрде ең жақсы басқарылатын нұсқа мәртебесіне ие болды. Капот астында 500 ат күшіне ие V8 көлікке алғашқы жүздікті 3.8 секундта еңсеруге мүмкіндік береді, ал максимал жылдамдығы — 302 км/сағ. Осы модификация қара шанақ декорымен және бас тіреуіші кіріккен спорттық орындықтары бар интерьермен ерекшеленеді.

Еуропада екі модификацияға да тапсырыс қабылдау басталды. Panamera GTS кем дегенде 165 мың еуро (85.6 млн теңге) тұрады, ал Turbo S E-Hybrid-тің бастапқы бағасы 229 мың еуроны (119 млн теңге) құрайды.