650 ат күшіне ие Nissan Skyline GT-R рестомоды

Американың Built By Legends (BBL) ательесі SEMA тюнинг шоуында Nissan Skyline GT-R BNR34-ті жақсы көретіндерге арналған жобасын көрсетті. Тюнерлер спорткарды жақсартып, жаңа аспасы мен басқаша қозғалтқышы бар қуатты шасси әзірледі. Жоба арзан тұрмайды, мұндай спорткарды донор бағасын есептемегенде кем дегенде 450 мың долларға алуға болады.

1 / 8

• 
• 
• 
• 
• 
• 
• 
• 

1 / 8

Шеберлер донор машинаны толық бөлшектеп, 3D сканерден өткізді. Алынған дерекке сүйеніп, шассиді зауыттық күйге келтірген, бірақ BBL оны жақсартып, шассидің беріктігін заманауи стандартқа жеткізді. Қайта жабдықталған шанақ панелін карбоннан жасалған жаңа аэродинамикалық элементпен әрледі. Машина шоу үшін Bayside Blue түсіне боялған.

BBL жапониялық Aragosta фирмасының компоненттерін пайдаланып, жүріс бөлігінің барлық элементін жаңартты. 18 дюймдік Rays дөңгелек дискісі алты поршенді суппорты мен 356 мм дискісі бар AP Racing тежеуіш жүйесімен жабдықталған. Интерьер наппа былғарысымен және алькантарамен қапталған.

1 / 5

• 
• 
• 
• 
• 

1 / 5

BBL стандарт қозғалтқыштан бас тартты. Зауыттық агрегаттың орнын Mines фирмасының жаңа моторы басты. Алты цилиндрлі қозғалтқыш RB26 сериясының моторларымен бірдей, бірақ заманауи технологияға сай жаңадан жасалған әрі көлемі 2.6 литрден 2.8 литрге артқан. Қос турбоүрлем, жаңарған бастиек, күшті поршендер тобы және т.б. арқасында қозғалтқыштың қуаты 650 ат күшіне жетті. Мотор алты сатылы Getrag механика қораппен жұмыс істейді.