Жол талғамайтын қара «тойота» Тимирязев пен Желтоқсан қиылысында тоқтатылған. Егде жастағы азамат жалған нөмір тағып, арнайы жарық және дыбыс дабылын орнатқан екен. Сақшыларға ұсталғанда бұл қылығын түсіндіре алмапты.
«Ол жеке автокөлігін арнайы көлік ретінде көрсетпек болған. Мұндайлар жауапкершілігі төмен адамдар қатарына жатқызылады. Өйткені, көлік иесі жол ережесін елемей қозғалу үшін жалған нөмірлерді әдейі орнатады», — деді Алматы қалалық Әкімшілік полиция басқармасының мамандандырылған батальон командирі Серікжан Әбжанов.
Тәртіп сақшылары темір тұлпарды айып тұрағына жіберді, ал көлік иесінің атына бірнеше хаттама толтырылды.
Комментариев: 0