6.2 литрлік мотормен жүретін G-Class 240 000 доллар тұрады

АҚШ-тағы Expedition Motor Company (EMC) ательесі әскери G-Class-қа негізделген қымбат жол талғамайтын көлік жасап танылған. Компания бұрын рестомодтарға «геликтің» 2.5 және 3 литрлік дизельді моторын орнататын, бірақ бұл жолы көлемі үлкен қозғалтқыш таңдапты.

1 / 23

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 23

Компанияның жаңа жобасы Camo Wolf деп аталады. Бұл атау донордың әскери сипатын аңғартады. Автомобиль LS3 индексті 6.2 литрлік V8-бен жүреді. Агрегат 430 ат күшін береді әрі автомат қорап және толық жетекті жүйемен жұмыс істейді.

Camo Wolf жобасы жаңа қозғалтқышпен ғана шектелмейді. Шеберлер түпнұсқа машинаның шассиін толық өзгертіп, Bilstein аспасы мен үлкен дөңгелек орнатқан. Жол талғамайтын көлік мықты бампер, арка кеңейткіш, заманауи аудиожүйе, кондиционер, жаңа аспаптар панелі және кресло жылыту жүйесімен де жабдықталған. Интерьері табиғи былғары және емен ағашынан жасалған қосымшалармен ерекешеленеді.

1 / 23

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 23

Camo Wolf жобасының бағасы 185 мың доллардан басталады. Яғни ол АҚШ-та сатылып жатқан V8-бен жүретін жаңа «геликтен» (154 мың тұрады) әлдеқайда қымбат. Бірақ бұл бағаға 6.2 литрлік қозғалтқыш кірмейді, оны орнату үшін қосымша 55 мың доллар төлеу қажет. Демек жобаның жалпы құны 240 мың долларға (113.5 млн теңге) жетеді.