БАӘ-де көлік тізгінін қолға алған сәттен бастап жол ережесін мүлде бұзбаған жүргізуші анықталды. Ол жүргізуші куәлігін сонау 1969 жылы алған 78 жасар Саид Рашид Ахмед Балхун есімді азамат екен. Оның бұл әрекетін жоғары бағалаған тәртіп сақшылары ер адамды арнайы сыйлықпен және құрмет грамотасымен марапаттады.
Аталған елде жолдағы ұқыптылықты ынталандыруға баса назар аударылатынын айта кеткен жөн. Мұнда «ақ балл» деген қарапайым жүйе бар. Жүйеге сай, бір ай көлемінде айыппұл салынбаған жүргізуші екі баллға ие болады. Болмашы ереже бұзылған жағдайда, ол айыппұл төлеудің орнына өз есебіндегі «бонустарын» жұмсай алады. Ал бір жыл ішінде 24 балл жинағандарға арнайы сыйлық беріледі.
АҚ балл деген жүйе керемет ынталандыру екен.