50 млн теңге тұратын электрлі «Ока»

«За рулем» журналының назарына Мәскеуде екінші жыл қатарынан сатылып жатқан, құны екі есе түскеннің өзінде 9.9 млн рубль (50.5 млн теңге) тұратын «Ока» ілікті.

Бюджеттік көлік жай «Ока» емес, электрлі болғандықтан бағасы шарықтап тұр. Бензинді нұсқаға негізделген ВАЗ-1111Э 34 ат күшін беретін ПТ-125 электрлі моторымен жүреді. Қозғалтқыш үш блоктан тұратын никель-кадмийлі аккумулятордан қуат алады. Батареялар капот астына, артқы орындық астына (бензобактың орнына), жүксалғышқа жайғасты, қосалқы дөңгелегі де сол жерден орын тапты. Батареяның жалпы салмағы 315 келі болғандықтан машинаның аспасы күшейді.

1 / 8

• 
• 
• 
• 
• 
• 
• 
• 

1 / 8

Аспаптар панелі мен басқару органдары жаңа қозғалтқышқа сай бапталған. Көлікте вольтметр пайда болды, беріліс қорабының иінтірегі жоқ, ал артқа жүру үшін рөлдің сол жағындағы «R» түймесін басу керек. Жүріс қоры 110 шақырымға жетеді, оны ұлғайту үшін кернеуін 132 вольтқа дейін көтерген. 220 В розетка көмегімен толығымен қуатталу уақыты — 8 сағат.

1994–1995 жылдары АВТОВАЗ жиырма «Ока-электро» құрастырды. Құны 18 мың доллар машина коммерциялық тұрғыдан пайда әкелмеді. Ол кезде электромобильді ешкім керек қылмады.

Саудаға шыққан экземплярды «Источник» институты тәжірибе жүргізуге алды, соның арқасында 162 шақырым жүрген көлік барлық құжатымен жақсы сақталған. Бір өкініштісі, «Ока» мен қымбат/коллекциялық авто деген ұғым үйлеспейді.