Автокөлік Шанхайдағы автосалонда көрсетілді. BMW 760Li седанының Shining Shadow Special Edition арнайы нұсқасы екі түске боялған. Көліктің жоғарғы бөлігі күміс, ал төменгі бөлігі қанық қызыл түсті. Бұрыннан таныс дискілердің орнына ерекше дизайндағы 20 дюймдік жаңа дөңгелек орнатылған.
Машинаға осы сериядағы ең қуатты қозғалтқыш қойылды. 6 литрлік V12 моторы 585 ат күші мен 850 Нм момент береді. Аталған агрегаттың арқасында көлік алғашқы жүздікті 3,8 секундта еңсеріп, жылдамдығын сағатына 250 шақырымға дейін жеткізе алады.
Салоны ақ былғарымен қапталған. Өзге де табиғи материалдар көптеп қолданылды. Көп пішінді орындық, жиналатын кішкене үстел, толық өлшемді мультимедиа планшеті артқы қатардағы жолаушыларға жайлылық сыйлайды. Барлық орындық электрлі реттеледі әрі массажға арналған бағдарламасы бар.
BMW 7-Series Shining Shadow Special Edition-ның 25 данасы ғана шығарылған. Олар тек Қытайда сатылады. Бағасы — 2,6 миллион юань немесе 400 мың АҚШ доллары.
бакты тонау керек