Ішкі істер министрлігіне қарасты мемлекеттік кірістер комитеті таратқан ақпаратқа (шетелдік көліктердің елден шығарылуы туралы) байланысты азаматтар мен БАҚ-тан сауалдар түсті. Олар елден нақты қандай көліктің шығарылатынын білгісі келеді.
Қазақстанда жұмыс істейтін және Еуразиялық экономикалық одаққа мүше емес мемлекеттерде тіркелген көліктерді кедендік баж төлемей ҚР және ЕЭО-ға уақытша әкелуге құқығы бар шетелдіктердің машинасы елден шығарылады. Олардың кейбірі үшін уақытша тұру мерзімі 2020 жылы аяқталған, ал кейбірінің рұқсат мерзімі биыл бітті.
Карантин кезінде шекара жабық болғандықтан, шетелдіктер уақытша әкелінген көліктерді ЕЭО аумағынан дер кезінде шығара алмады, сол үшін билік мұндай машиналарды 30 қыркүйекке дейін әкетуді сұрап отыр. Осыған орай Еуразиялық экономикалық комиссия шетелдік көліктердің ЕЭО аумағында болу мерзімін 2021 жылдың 30 қыркүйегіне дейін ұзартты. Енді заң талабын орындауға тура келеді.
Мемлекеттік кірістер комитетінің дерегі бойынша, елімізде ЕЭО-ға мүше емес мемлекеттерде тіркелген 3 мыңға жуық машина бар. Олар Қазақстанда болу мерзімі аяқталғаннан кейін елден шығарылуы керек.
Комментариев: 0