Gooding аукционы сирек кездесетін Bugatti-ді саудаға шығарады. Бұл атақты жүргізуші Морис Трентиньян үшін жасалған Aravis шанағындағы Type 57C купесі. Автомобиль аукционға тамаша жағдайда шықты және 2000 жылдардың басында толық реставрациядан өткен. Мамандар оны алғашқы иесімен кеңесіп жасаған. Раритеттің болжамды бағасы 2-3.5 миллион доллар шамасында.
Компания Type 57-ні 1934-1940 жылдары шығарып, конструкциясын жақсартып отырды. Ең маңызды жақсартулардың бірі — 3.3 литрлік мотордағы механикалық компрессор. Мұндай шасси Type 57C деп аталды. 160 ат күшін беретін қозғалтқышы бар гранд-турердің максимал жылдамдығы 150 км/сағ-тан асып түсті. Бренд небәрі жүзге жуық компрессорлы Type 57С жасаған.
Компания автомобильдің шассиін де, толық дайын түрін де сатқан. Шанақ гаммасы бес нұсқадан тұрды, біреуі Aravis (ар-деко стиліндегі әсерлі ашық спорткар) деп аталды. Bugatti-дің шанақ құрастыратын Gangloff атты серіктесі Aravis шанағында екі дана компрессорлы Type 57 жасаған. Оның бірі Bugatti командасының атынан шығатын бірнеше дүркін чемпион Морис Трентиньянның тапсырысы бойынша әзірленді.
Машинаның мәртебесіне қарамастан, Морис оны күнделікті пайдаланыпты, жарысқа да қатысқан, бірақ Type 57C-мен айтарлықтай нәтижеге қол жеткізе алмады. Ол көлікті он жылдан кейін сатып жіберген. Гранд-турер 2000 жылдардың басында әйгілі коллекционер Питер Маллиннің коллекциясына түспейінше бірнеше рет иесін ауыстырды. Питер раритетті толығымен реставрация жасау, соның ішінде моторын бастапқы күйге келтіру үшін қаражат жұмсады.
Аукционшылар Bugatti Type 57C Aravis-ті ең маңызды Bugatti деп қана емес, соғысқа дейінгі ең ұлы көліктердің бірі деп атайды. Оған тарихи байқаулар мен көрмелерде түрлі атаққа ие болғаны дәлел.
Комментариев: 0