28 қыркүйек күні Алматыдағы бірнеше көше жабылады

Almaty Marathon оңтүстік астанада жексенбі күні өтеді.

Жарысқа байланысты демалыс күндері мына көшелер мен даңғылдар жартылай немесе толық жабылады:

• Сәтбаев көшесі Желтоқсаннан Назарбаевқа дейін (екі бағыты) — 27 қыркүйек 06:00-ден 28 қыркүйек 22:00-ге дейін.
• Назарбаев даңғылы Сәтбаевтан Әл-Фарабиге дейін — 06:25-тен 09:35-ке дейін. Достық даңғылымен екі бағытта айналып өтуге болады.
• Әл-Фараби даңғылының Назарбаевтан Шашкинге дейінгі солтүстік жағы — іс-шара күні 06:30-дан 09:45-ке дейін. Даңғылдың оңтүстік жағы ашық тұрады. Төле би мен Абай арқылы батыс бағытта айналып өтуге мүмкіндік бар.
• Әл-Фараби даңғылының батыс бағыты Шашкиннен Саинға дейінгі солтүстік жағы — 06:35-тен 10:15-ке дейін. Оңтүстік жағы жабылмайды. Төле би мен Абай арқылы батыс бағытта айналып өтуге болады.
• Саин көшесінің солтүстік бағыты Әл-Фарабиден Абайға дейінгі шығыс жағы 07:00-ден 11:00-ге дейін. Батыс жағы ашық болады. Бауыржан Момышұлы көшесі арқылы солтүстік бағытта айналып өтуге болады.
• Абай даңғылының шығыс бағыты Саиннан Розыбакиевке дейінгі оңтүстік жағы — 07:10-нан 11:30-ға дейін. Солтүстік жағы ашық болады. Әл-Фараби, Төле би және Қабанбай батыр арқылы шығыс бағытта айналып өтуге болады.
• Абай даңғылының Розыбакиевтен Байтұрсыновқа дейінгі екі жағы 07:20-дан 12:00-ге дейін толық жабылады. Әл-Фараби арқылы айналып өтуге болады.
• Байтұрсынов көшесінің Абайдан Сәтбаевқа дейінгі екі жағы 07:30-дан 12:15-ке дейін толық жабылады.
• Сәтбаев көшесінің Байтұрсыновтан Желтоқсанға дейінгі екі жағы 07:40-тан 12:30-ға дейін толық жабылады. Төле би арқылы шығыс бағытта айналып өтуге болады.
• Шашкин көшесінің Әл-Фарабиден Тимирязевке дейінгі екі жағы 07:00-ден 08:00-ге дейін толық жабылады. Марков көшесі арқылы айналып өтуге болады.
• Тимирязев көшесінің Шашкиннен Байзақовқа дейінгі екі жағы 07:10-нан 08:10-ға дейін толық жабылады. Жүргізушілер Абай даңғылы арқылы батыс бағытта, Әл-Фараби арқылы шығыс бағытта айналып өте алады.
• Байзақов көшесінің Тимирязевтен Құрманғазыға дейінгі бөлігі 07:15-тен 08:15-ке дейін жартылай жабылады. Әуезов арқылы солтүстік, Манас арқылы оңтүстік бағытта айналып өтуге болады.
• Құрманғазы көшесінің Байзақовтан Байсейітоваға дейінгі бөлігі 07:20-дан 08:40-қа дейін жартылай жабылады. Төле би арқылы шығыс бағытта айналып өтуге мүмкіндік бар.
• Абылай хан даңғылының Құрманғазыдан Абайға дейінгі бөлігі 07:25-тен 08:50-ге дейін жартылай жабылады. Қонаев арқылы солтүстік, Достық арқылы оңтүстік бағытта айналып өтуге болады.
• Желтоқсан көшесінің Абайдан Сәтбаевқа дейінгі бөлігі 27 қыркүйек 18:00-ден 28 қыркүйек 16:00-ге дейін жартылай жабылады. Достық арқылы айналып өтуге болады.

Спортшылар өткен сайын көшелер ашылып отырады. Сақтық танытып, бағытыңызды алдын ала жоспарлаңыз.