Kolesa.kz-те сирек кездестін Volvo 960 сатылып жатыр. Ол ең алдымен алты есігімен ерекшеленеді. Ішінде үш қатар орындық бар. Бірақ олар лимузиндегі сияқты қарама-қарсы емес, бірінен кейін бірі орнатылған.
Мұндай техниканы бірнеше жыл Nilsson деп аталатын шанақ ательесі жасады. Компания Volvo негізінде полиция, жедел жәрдем, лимузин және катафалк сияқты арнайы қызметке тиесілі машина жасаумен айналысады.
Көліктің екінші ерекшелігі — жүрген жолында. 1996 жылы жарық көрген модель 29 мың шақырымды еңсеріпті. Қазіргі иесінің сөзіне сенсек, лимузин тек халықаралық делегация қабылдау үшін қолданылған. Оның үстіне Қазақстанда дәл осындай басқа көлік жоқ.
Volvo 960 204 ат күшіне ие 2.9 литрлік мотормен жабдықталған. Агрегат 267 Нм моментті артқы дөңгелектерге беретін 4 сатылы автоматпен жұптасады.
Алты есікті Volvo 960-тың бағасы — 25 млн теңге.
Комментариев: 0