Калифорния штатында (АҚШ) қара тақтада сары түсті екі M әрпі бар және жоғары жағына штат атауы жазылған көлік нөмірі сатуға қойылды. Мұндай ерекше нөмір эксклюзивті жоғары бағалайтын және елден ерек болуды жаны қалайтын байларға ұнайтыны сөзсіз.
Нөмір бағасы — 5 888 бірлік эфириум криптовалютасы. Мұны АҚШ долларымен есептесек 24.5 миллионнан асады. Оны сатып алған адам әлемдегі ең қымбат көлік нөмірінің біріне ғана емес, Non-fungible token тіркелген алғашқы нөмірге иелік етеді.
Егер MM әріптері үшін 24.5 млн доллар төлеу көп көрінсе, сатушының «қолжетімді» ұсынысы да бар. Техас штатының осыған ұқсас MM нөмірін 2 888 бірлік эфириумға (12 млн доллар) сатып алуға болады.
Комментариев: 0