23 сәуірде Алматының жоғарғы бөлігіндегі көшелер жабылады

Спортшылар Тұңғыш президент саябағынан бастап жүгіреді. Ұйымдастырушылар қауіпсіздік үшін мына жолдарды жабады:

• Әл-Фарабидің Мұстафиннен Науаиға дейінгі солтүстік жағы — 23 сәуірде сағат 00:00-ден 12:00-ге дейін;
• Әл-Фарабидің осы бөліктегі оңтүстік жағы — 7.00-ден 8.10-ға дейін;
• Әл-Фарабидің Мұстафиннен Назарбаевқа дейінгі солтүстік жағы — 7:15-тен 9:40-қа дейін;
• даңғылдың оңтүстік жағы ашық болады;
• Сейфуллин көшесінің Әл-Фарабиден Абайға дейінгі бөлігі 7:40-тан 9:00-ге дейін жабық болады.

Сондай-ақ мына көшелермен көлік жүргізуге болмайды:

• Абайдың Саиннан Байтұрсыновқа дейінгі оңтүстік жағы — 8:40-тан 11:10-ға дейін (солтүстік жағы ашық);
• Абайдың Сейфуллиннен Байтұрсыновқа дейінгі оңтүстік жағы — 7:50-ден 9:30-ға дейін (солтүстік жағы ашық);
• Саинның Әл-Фарабиден Абайға дейінгі шығыс жағы — 8:30-дан 10:10-ға дейін. Саин көшесінің батыс жағы ашық болады.

Жүргізушілер жарыс өтетін аумақтан картада көрсетілген бес нүкте арқылы немесе қозғалыс шектелген уақыт аяқталған соң шыға алады. Тұрғындар жолда сақ болып, бағытын алдын ала жоспарлағаны жөн.