Kolesa.kz порталында нағыз уақыт капсуласы сатылып жатыр. 1987 жылғы ВАЗ-2106 өмірінің көп бөлігін гаражда өткізген. 34 жастағы седан небәрі 754 км жол жүріпті.
Иесі көліктің осы уақытқа дейін бір ғана қолда болғанын айтады. Суреттерінен қақпағының, бүйірлік айналары мен салондағы сағатының жоқ екені байқалады. Хабарландыру авторы аталған бөлшектердің жүксалғышта жатқанын жазыпты.
Сарғыш түсті машина 77 ат күші мен 109 Нм момент беретін 1.5 литрлік карбюраторлы мотор арқылы қозғалады. Ол 4 сатылы механикалық қораппен жұмыс істейді.
Дегенмен бұл модельдің жағдайы мен жүрген жолынан бұрын бағасы таңғалдырады. Көлік үшін иесі 23 млн теңге (54 мың доллар) сұрап отыр. Салыстыру үшін айтсақ, бұл ақшаға біздің елде 3.5 литрлік моторы бар толық жабдықталған Toyota Camry (20.6 млн тенге) алуға болады, тіпті біраз қаражат қалтаңызда қалады.
Өз уақытының ең қалаулы көлік, бәрі осындайды армандаушы еді