220 мың доллар тұратын Toyota Supra

Toyota-ның жарысқа қатысатын көлік шығаратын бөлімі жүзінші GR Supra GT4-ті жасады, бренд мұны болидтің коллекциялық нұсқасын жасау арқылы атап өтуді шешті. Осылайша 220 мың доллар тұратын, саны шектеулі GR Supra GT4 «100 Edition» жарық көрді.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Мерейтойлық түрленімді соңғы буындағы KW амортизаторы орнатылған, басқа көлденең орнықтылық стабилизаторы бар және бұғаттауға қарсы тежеуіші қайта бапталған жарысқа арналған GR Supra GT4 Evo купесі негізінде жасапты.

Капот астында бұған дейінгі модельдерде болған 6 цилиндрлі стандарт BMW B58B30C турбомоторы тұр, бірақ қуаты (450 а.к. және 660 Нм) артты. Қозғалтқыш 8 сатылы модификацияланған ZF автоматымен жұптасқан.

GT4 класына жататын қарапайым болид сияқты мерейтой қарсаңында шыққан Supra да барлық салон қабынан қағылды, қауіпсіздік каркасы, көп нүктелі қауіпсіздік белбеуі, жарысқа арналған рөл, аэродинамикалық аспа, тәуліктік марафон кезінде қолданатын арнайы LED-оптикамен жабдықталған және борттық домкрат та өз орнында тұр. Соған қарамастан машина жарысқа қатысуға мүмкіндік беретін GT4 категориясын ала алмайды. Атауында «100 Edition» қосымшасы бар Supra-да стандартқа сай шина жоқ, яғни ол коллекция жинауға не болмаса трассада өтетін «ашық есік» күндері жүруге ғана жарайды.

GR Supra GT4 «100 Edition-ның» небәрі үш данасы шығады. Toyota Plasma Orange түсіне боялған автомобильді бір-бір данадан Азия, Еуропа және Америкаға жөнелтеді.