Жапонияда А80 индексті шанақтағы Toyota Supra аукцион арқылы сатылады. Машина 22 жыл бойы қозғалмастан гаражда тұрған екен.
Автомат қораппен жұмыс істейтін 3 литрлік 2JZ моторы орнатылған көліктің екінші иесі оны 1999 жылы сатып алып, жылы жерге сақтап қойыпты. Екі есікті машина жылына бір рет сервиске бару үшін ғана жолға шыққан.
1 / 5
Қызығы, алғашқы иесі автомобильді белсенді қолданған. 1995 жылдан бастап өзге адамға сатылғанға дейін купе 48 мың шақырымды еңсерді. Қазір одометрі 48 010 км көрсетіп тұр.
Supra-ның бастапқы бағасы белгісіз, бірақ қызығушылар көп болса, 100-150 мың долларға сатылуы әбден мүмкін.
Комментариев: 0